المساعد الشخصي الرقمي

مشاهدة النسخة كاملة : حبيب والقرقاح طاروق شقر رائع


سلطان مطر
21-03-2010, 10:39 PM
أقدم لكم محاورة جرت في منتدى المرقاب عام 1427هــ


بين الشاعرين (حبيب العازمي && فلاح القرقاح)


أترككم مع هذا الطاروق الرائع



حبيّب العازمي

الشاعر اللي فيه سيما اهل الكرم والصالحين
احيان يقرا ماكتب واحيـان يكتـب ماقـرا

وصاه ابوه وجده اللي وارثه والصـا لحيـن
امايحصـل مابحـر والايحـصـل مـاقـرا



فلاح القرقاح

ياحبيّب الروقي بلشنا في الليالي والسنين
الله يساعدنا على الكوكب وما به من ورا

راح المفرج والمزرج والمصقل والسنين
ما باقي إلا قفش ترباسه رما به من ورا



حبيّب العازمي

يابو محمـد مامشينـا فالـدروب الا يميـن
وانته تعرف الايمنا وانتـه تعـرف الايسـرا

لاكن لاياخذك فاهل الـزور لـوم الايميـن
مار انتبه للي سرح واحسب حساب اللي سرا



فلاح القرقاح

دينٍ ما ينكر منكراتٍ محدثه ماهوب ديـن
والوادي الممحل لا راد الله له الرحمه جرا

البيع يا طير السعد عد وعدد ماهوب دين
والطيب اللي لا جرا غيره مع الزحمه جرا


حبيّب العازمي

يالله لاتفرح علي اهـل الحسـد والشامتيـن
ويبطي عدوي من صوابه بعد اصابـه مابـرا

ياهل الهوى وين الهنوف ام الوشم والشامتين
كم واحدن يقول عاشق مار جسمـه مابـرا


فلاح القرقاح

انتو وحنا طال عمرك كلنـا مـن قالطيـن
الله تعالى يجعل لمـن طاعـه حجـاب وذرا

منقال طين اهل البناء ياصاحبي منقال طيـن
ويوم الحصاد يحصّل المحصول من جاب وذرا


حبيّب العازمي

انته وابن وسام سجلتوا هدف فالدورتين
واناقريت القارعه والزلزله والـم تـرا

التين فالبستان يارجلٍ تبا فالدور تيـن
لاكن قيس المزرعه باليارده والامتـرا



فلاح القرقاح

انا وابن عمي كفو والشارقة ماهيـب عيـن
انقل ترا ما عاد في الديرة مكان انقـل تـرا

العين صارت خشم ياحبيّب وصار الخشم عين
وهل السعودية ما تعرف مهرجـان انقلتـرا



حبيّب العازمي

لوتحسب القسمه على المقسوم له والقاسمين
اللي يباع برخص في سوقه بسعـره ينشـرا

القاجمل والقاجـزل والقاهـزل والقاسميـن
مير الصحافه كـل شيئـاً ضدهـا ماينشـرا



فلاح القرقاح

مافاد ابو شوشه لا ابو شارب ولا ابو شاربين
لا جات له بالمشتـرى والبيـع ولا بالكـرا

خلق الله بنعمة وخير وما كليـن وشاربيـن
خل العيون اللي نضب ماهـا تحـلا بالكـرا



حبيّب العازمي

وين السيوف القاصمه ياصحبنا والمرت وين
الفن علينا ماطرا والفن علينـا قـد طـرا

الله خبير بحال من ماتو ظمـا والمرتويـن
وان كان ماهب السعد فلاعلى الدنيـا طـرا



فلاح القرقاح

انا ليا جارت علـي الأيـام قلـت الله يعيـن
وإن زان وقتي جيت عدواني على الكون جهرا

الرقية الشرعية تعالـج لـو العايـن يعيـن
عيون يسبق شوفها الدربيل وعيـون جهـرا



حبيّب العازمي

اللي يحب المرجلـه يبديلهـا والهـا يبيـن
واللي يعدي في كرا يقدر يحـول مـن كـرا

وانته تعرف الصاملين امن العرب والها يبين
حدث ولاتنسى نصيبك مـع نكيـر ومنكـرا



فلاح القرقاح

يقودنا لأهل المراجل والوفاء شوق وحنيـن
الحزة البركة الياجتمعـوا مشايـخ وامـرا

كلن يعرف اللي لا شال الحمل ما جاله حنين
وانا لكم حتى لو إني مـن ورا الفيـوم ارا


تحياتي لكم[/quote]

شمس الغروب
22-03-2010, 12:19 AM
صح لسان الشاعرين وسلمت يداك ع النقل

يعطيك العافيه

موفق بإذن الله ... لك مني أجمل تحية .

محمد الثنيان
23-03-2010, 02:12 AM
صح لسان الشاعرين وسلمت يداك ع النقل

يعطيك العافيه


شـكــ وبارك الله فيك ـــرا لك ... لك مني أجمل تحية .

علي العتيبــي
23-03-2010, 03:26 AM
صح لسان الشاعرين كلهم عمالقه شعر ولا هنت يا سلطان ع النقل




شـكــ وبارك الله فيك ـــرا لك ... لك مني أجمل تحية .

سلطان مطر
25-03-2010, 05:13 PM
العفو يالغلا

مروركم رائع