المساعد الشخصي الرقمي

مشاهدة النسخة كاملة : محاورة بيني وبين الشاعر / سامي الهذلي ............ جديدة


نظام ساهر
17-02-2014, 04:00 PM
عيد الذيابي ( نظام ساهر ) :

يالربع نادوا لي على شاعر هذيل

شهرين مدري ويش علة صاحبي

شكله مزاجي مانقول أنه ثقيل

لاشافني فالدرب دايم يهربي


سامي الهذلي ::

ياللي تناديني ترى ليلك طويل

مال المحارب غير رجل محاربي

تمشي مع الطرقة ولك حيلنً وحيل

منه محرك يالذيابي شاربي


عيد الذيابي ( نظام ساهر ) :

سليت سيفي وأنت لاترجع ذليل

قدامنا تخسر ولو تحبي حبي

أمشي وأشوف الدرب وأخيل المخيل

يوم أن فيه دروب قدمك تصعبي


سامي الهذلي ::

منته كفو في شيلة السيف الصقيل

ياكم خصيمنً فوق خشمه نضربي

تسرح وتضوي يالعتيبي فالمقيل

في داخل المقيال زاد ومشربي


عيد الذيابي ( نظام ساهر ) :

خصمك شهم يارجل راع المستحيل

وايديك ماتضرب ولاهي تكتبي

لو تعرف عتيبه زبنت لهم دخيل

لكنك بمكة في بيتك مختبي


سامي الهذلي ::

لاشبت النيران في راس الفتيل

راحت عتيبه جوف ناري وحطبي

واليا بغيت أجيك ماأغر الدليل

مايسترك عن صاحبك كثر العبي


عيد الذيابي ( نظام ساهر ) :


لابالله ألا جيت في بطن المسيل

تبغى وفاتك عاجلة دون أتعبي

الحاشي المفرود ماينصى شعيل

وكلمتك ماينطق بها غير الغبي


.................................................. ...................

سفير العصمه
17-02-2014, 07:36 PM
صح الله لسانكم وتسلم على النقل

تقبل مروري

عبدالمجيد الروقي
18-02-2014, 12:46 PM
صح الله لسانكم مبدعين جميعاا
تقبلو مروري

الأمير الفارس
20-02-2014, 07:16 PM
صحة السنتكم

والله يعطيكم العافيه

علي العتيبــي
21-02-2014, 03:34 PM
صح لسانكم ننتظر جديدكم