المساعد الشخصي الرقمي

مشاهدة النسخة كاملة : محاورة جديده بيني وبين صاحبي ذعير العالي ...


نظام ساهر
04-11-2013, 03:28 PM
عيد الذيابي ( نظام ساهر ) :

سلام ياذعير سلام أهل الأخوة واللزوم
ياصاحبنً قلبه من أمس العصر يشكي لزعله

أبشر بحق يبشرك بأمطار من تحت الغيوم
كن لاتزعل ليا جات المعاني بعجله
-----------------------------

ذعير العالي :

يامرحبا ياعيد ترحيب المعزه كل يوم
وأمسك لسانك ياخويي لاتجيك مفلفله

الحق عند أهل الوفا اللي مايغرون السلوم
وانا ليا جبت المعاني فوق راسك منزله

--------------------------------

عيد الذيابي ( نظام ساهر) :

دام البقا من حظ ناسنً حظها دايم يقوم
وانا دروبي في لقا العربان ماهي مقفله

الحق من قسم الرجال اللي يجيبون العلوم
والا المعاني ياعميلي ماهي ألنا مشكله

---------------------------------

ذعير العالي :

انته على سطح القمر ولا على سطح النجوم
ولا ماغير البيت الأول يالذيابي ترسله

الله يبارك فالرجال اللي يضدون الخصوم
قومنً ليا جات المكاسب يكسبون المرجله

------------------------------------

عيد الذيابي ( نظام ساهر) :

انا على سطح الفضا وأنته على الأرض أمحكوم
ولاشفت خصمي قام يدنفس لازم الحين أقتله

المرجله تكسب هل أم الدوم والناس القروم
وأنا صريح ونيتي كل الكلام تحلله

-------------------------------------

ذعير العالي :

خلك على سطح الفضا ثابت ولا تقعد تعوم
ماانته بذابحلك خصم وانته حقوقك مهمله

انته من أم الدوم لامعطا ولا اقول أمحروم
الديره اللي بالغلا وألها بقلبي منزله

-----------------------------------

عيد الذيابي ( نظام ساهر ) :

خل النوايا صافيه منته من رجالن رخوم
خصمك مراده يبلغه وحقوق صكه يحمله

انا من رجالنً تجي فالمعركه مثل السهوم
ولا العطا من ربنا منته رسول تمثله

------------------------------------


وانتظرونا في مزيد المحاورات النارية .........



تقبلو تحياتي (( نظام ساهر ))

سفير العصمه
04-11-2013, 09:36 PM
صح الله لسانكم محاوره ممتعه

تقبل مروري

عبدالعزيز بن حشيان
06-11-2013, 09:51 PM
رايعين وصح لسان كل منكم يالنشاما

الأمير الفارس
07-11-2013, 04:26 PM
صحة السنتكم

والله يعطيكم العافيه

علي العتيبــي
08-11-2013, 04:47 PM
صح لسانكم

و يسلموووو ع المحاورة الجميلة

عبدالمجيد الروقي
11-11-2013, 08:20 PM
صح لسانكم و بيض الله وجيهيكم على المحاوره الممتعه

الروقي نت
15-11-2013, 06:08 AM
.صح لســآنك وعســآك ع القوه
لآ عدمنــآك
ننتظر ما يجود به قلمك الرآقي

شمس الغروب
18-11-2013, 11:19 PM
صح لسآنكم ,,
ولاهتوا على المحاوره الرآئعه..