المساعد الشخصي الرقمي

مشاهدة النسخة كاملة : محمد الربيقي وسفر الدغيلبي محاورة "العيد الرابع"


الأمير الفارس
23-11-2011, 04:26 PM
السلام عليكم..
مساء الخير..

وكل عام وانتم بخير..


من محاورة حفل اجتماع قبيلة الصلاح من حرب في قرية "النبقيه"بالقصيم


محمد الربيقي:

عند ربع"ن"لهم بالطيب صوله وجوله
كل علم"ن"يشرفنا مقاله نقوله
والدروب مخبوره والجمال معقوله
مايروس النجوم الا سهيل اليماني

الا ياسفر سو العلاقه مع المطران=ترى الوضع يستوجب علاقات سريه
يقولون في وقت"ن"مضى كان ياماكان=تلين الجبال من النجوم السماويه

سفر الدغيلبي:

عيدكم ياهل النبقيه سنين عايد
نعم ياعزوة الصلاح وقت الشدايد
طيبين الفعول وكاسبين الفوايد
مايروس النجوم الا سهيل اليماني

انا والمطيري بالدير كلنا جيران=علاقاتنا بشهود وحدود شرعيه
سلامات يامحمد ورى خاطرك زعلان=انا ما اخبر اخلاق الشبابي تجاريه

محمد الربيقي:

لاتقول الامور مدبره ومحكومه
السوالف لها شده ورده وقومه
مير ابنشد سفر تال السنه عن علومه
مايروس النجوم الا سهيل اليماني

الا ياعتيبي ماش شعله بلا دخان=وانا شايف الاوضاع ماهي طبيعيه
ترى يضحك الشبان مايزعل الشيبان=ولافيه راحه دام الاوضاع مقفيه

سفر الدغيلبي:

الامور محكومه وانت خلك مريح
لاتصيح على روس العرب لاتصيح
اثر عندك بلا وانا احسب انك صحيح
مايروس النجوم الا سهيل اليماني

تبى تشتكيني روح دور حقوق انسان=واذا صدقو لك هات عسكر ودوريه
بعد ما امتلى بطنك من الخوخ والرمان=تبي لك مطار"ن"عالمي بالشماسيه

محمد الربيقي:

من يقود البعير شعيل ولا يسوقه
كل واحد يفكر في نتايج طروقه
وانت واقف تلفت بين برقى وروقه
مايروس النجوم الا سهيل اليماني

تناظر ببن سلمي وتضحك لابن عتقان=وتنصب بثوبك والصناعه محليه
ترى كلها دعوى وطنيه رفيعه شان=مطار الشماسيه مطار البجاديه

سفر الدغيلبي:

كان ولياه للمعروف والطيب ناكر
سفرو حظرة ابن عبيد من صبح باكر
وازهلو كرسي الرحله وقص التذاكر
مايروس النجوم الا سهيل اليماني

محمد يفرقنا وحنا نعيش اخوان=تشيع وانا ما اخبر في حرب شيعيه
انا اخبرك هاك الوقت شاوي وراعي ضان=وش يعرف الشاوي حياة الرفاهيه

محمد الربيقي:

لاتسوون ياحظرة عتيبه سوايا
لو نفتش قضاياكم ياكثر القضايا
تقلبون الصحيح وتتهمون البرايا
مايروس النجوم الا سهيل اليماني

ترانا على سنة محمد نسل عدنان=ولو من كلامي يزعلون الحراميه
وانا أعرفك ابن برقى مثل طير ابن برمان=ما سنعت قوم ولا تسميت برعيه

سفر الدغيلبي:

القضايا تشرف والفعايل تجمل
يوم بعض العرب ينوي وهو ما يصمل
حطبه ما يكمل والجمر مايكمل
مايروس النجوم الا سهيل اليماني

ياحربي ياوجه الخير لاتقرب العتبان=تراهم ذرى"ن"لك كان هبت شماليه

شمس الغروب
23-11-2011, 11:05 PM
صح السنت الشعآر
ولاهنت الامير ع الاختيآر الرآئع

علي العتيبــي
24-11-2011, 12:33 AM
صح لسان الشعار و يسلموووووووو الأمير ع النقل

شـكــ وبارك الله فيك ـــرا لك ... لك مني أجمل تحية .

جهجاه المقاطـي
24-11-2011, 12:42 AM
ياحربي ياوجه الخير لاتقرب العتبان=تراهم ذرى"ن"لك كان هبت شماليه



صح لسانك يا سفر الدغيلبي ومشكور على النقل يا الامير وعساك ع القوه



تحياتــي

الأمير الفارس
24-11-2011, 01:47 AM
وياكـ سلمتي

أسعدني مروركـ ومشاركتكـ الرائعة يا

شمس

شكراً لكـ

تحياتي

الأمير الفارس
24-11-2011, 01:48 AM
وياكـ سلمت

أسعدني مروركـ ومشاركتكـ الرائعة يا

ابوتركي

شكراً لكـ

تحياتي

الأمير الفارس
24-11-2011, 01:49 AM
العفو سلمت

أسعدني مروركـ ومشاركتكـ الرائعة يا

جهجاه

شكراً لكـ

تحياتي

سفير العصمه
24-11-2011, 02:11 AM
صح الله لسانهم و تسلم على النقل

تقبل مروري

الأمير الفارس
24-11-2011, 07:48 PM
وياكـ سلمت

أسعدني مروركـ ومشاركتكـ الرائعة يا

سفير

شكراً لكـ

تحياتي

وافي الدغيلبي
10-12-2011, 07:38 AM
كان ولياه للمعروف والطيب ناكر
سفرو حظرة ابن عبيد من صبح باكر
وازهلو كرسي الرحله وقص التذاكر
مايروس النجوم الا سهيل اليماني
كفوولله ياابوسعد صح لسانك ملاين
وصح السان الشاعر محمد
ولاهنت على الاختياااار الرائع

الأمير الفارس
10-12-2011, 10:28 PM
وياكـ سلمت

أسعدني مروركـ ومشاركتكـ الرائعة يا

وافي

شكراً لكـ

تحياتي