المساعد الشخصي الرقمي

مشاهدة النسخة كاملة : السحيمي والفهمي (الشباب والشياب)


الأمير الفارس
12-11-2011, 04:28 PM
راشد السحيمي
مرحبا ترحيبة ما تقدر بالفلوس = بنكها صدري وسلم الرجال احسابها
قوم يالفهمي بعلمك في بعض الدروس = الدروس تزيد وتقل وانت ادرابها

عبدالحميد الفهمي
البقى ياللي صنعت التنافس للنفوس = عاشت الحفله وحضارها وأصحابها
القيام احلى لنا وانت ما حولك جلوس = والشباب اليوم زادت على شيابها

راشد السحيمي
بارك الله فيك مير المعاني حد موس = ماني اللي كل ماعرضت له جابها
تطلع النيبان يا صاحبي قبل الضروس = والشباب اليوم فيها خلل في اعصابها

عبدالحميد الفهمي
بارك الله فيك لكن عينك لا تهوس = ليلها دوبه وقامت ترف اهدابها
ما يقارن ناب طيب وضرس فيه سوس = يا خبير في ضروس العرب وانيابها

راشد السحيمي
لو ترف العين يمكن تبشر بالعسوس = والعرب حضارها تنتظر غيابها
انت ليش تطيح في الحبس ما انته بمحبوس = العلوم اللي في بالك مقفل بابها

عبدالحميد الفهمي
ما تمنينا لك الجور يا جار العروس = مير هذي حجر صكت عليك اشعابها
يا لعل الله يفكك من اليوم العبوس = ان عرفت اسبابها لا تكون اسبابها

راشد السحيمي
روسنا في حجر تعلا على مليون روس = يعلم الله ما سكنها يا غير اصحابها
من هو اللي يمنع الطفل من رضع الديوس = الديوس اللي عرف خيرها حلابها

عبدالحميد الفهمي
روسكم في حجر والحجر خلاها يبوس = ما تميز مطفي النار من شبابها
ما حرمكم من ركوب الجموس الا المجوس = يا جمال ما تشوف اعوجاج ارقابها

راشد السحيمي
واضح انك بين ضلعانها تقل محموس = انت عقرب والعقارب قطعت اذنابها
ما تحصل بيننا لا مجوس ولا جموس = صاحبي لا شاف له قبة صلى بها

عبدالحميد الفهمي
لا تجي قصر الفخامه بشينات اللبوس = وانت في وسط المدينه وبين هضابها

شمس الغروب
12-11-2011, 04:35 PM
صح لسآن الشعآر
ولاهنت الامير ع الطرح الرآئع

سفير العصمه
12-11-2011, 09:38 PM
صح الله السنتهم

تسلم على النقل الامير و تقبل مروري

الأمير الفارس
13-11-2011, 12:36 AM
وياكـ سلمتي

أسعدني مروركـ ومشاركتكـ الرائعة يا

شمس

شكراً لكـ

تحياتي

الأمير الفارس
13-11-2011, 12:37 AM
وياكـ سلمت

أسعدني مروركـ ومشاركتكـ الرائعة يا

سفير

شكراً لكـ

تحياتي

علي العتيبــي
14-11-2011, 04:29 PM
صح لسان الشاعرين و يسلموووووو ع النقل الأمير

شـكــ وبارك الله فيك ـــرا لك ... لك مني أجمل تحية .

الأمير الفارس
14-11-2011, 04:35 PM
وياكـ سلمت

أسعدني مروركـ ومشاركتكـ الرائعة يا

ابو تركي

شكراً لكـ

تحياتي